Mart oyida qabul qilingan qaror bilan endi mozaik pannolar madaniy meros obyektlari hisoblanadi, ular chizilgan binolarga esa reklama bannerlari o‘rnatish taqiqlanadi. Shu sababli 5-aprel kuni Mirobod ko‘chasida joylashgan mozaikali binodan reklama banneri olib tashlandi. Foto.
Chilonzor tumanidagi Abdulqosim Eshon madrasasi ichki qismiga o‘zboshimchalik bilan hojatxona qurilishi oqibatida yodgorlikka 65,6 mln so‘m zarar yetkazilgan. Bu kabi holatlar Namangan va Andijon viloyatlarida ham sodir bo‘lgan. Bosh prokuratura ushbu faktlar yuzasidan jinoyat ishlari qo‘zg‘atilganini ma’lum qildi.
Chaykovskiy nomidagi musiqa maktabi Yangiobodning diqqatga sazovor joylaridan. O‘tgan asrning 50−90 yillarida bino o‘zining asosiy vazifasini bajargan. 2000-yillardan boshlab u qarovsiz qolib, qo‘ldan qo‘lga o‘tib kelmoqda. “Gazeta.uz” maktabning taqdiri va uni saqlab qolishga urinishlar haqida hikoya qiladi.
Madaniy meros agentligi “Sharq” nashriyoti binolari madaniy meros obyektlari ro‘yxatidan chiqarilishini izohlarkan, “aksariyati ayanchli holatida ekani va to‘liq rekonstruksiyani taqozo etishi”ni bildirdi. Binolar 2023-yilning oktabrida DABA ishchi guruhi bilan birga o‘rganilgan.
Toshkent shahar Buyuk Turon ko‘chasi 41-uyda joylashgan “Sharq” nashriyot-matbaa korxonasi binolari Moddiy madaniy merosning ko‘chmas mulk obyektlari milliy ro‘yxatidan chiqarildi. Vazirlar Mahkamasining 2024-yil 15-yanvardagi qarori bilan Milliy ro‘yxatga tegishli o‘zgartirish kiritilgan.
Madaniy meros agentligi xulosasi bilan eski ToshMI hududidagi sobiq kadet korpusining binosini restavratsiya qilish loyihasi tasdiqlandi. Uni O‘zshaharsozlik LITI davlat muassasasi ishlab chiqdi, qo‘shimchasiga 2 ta yotoqxona qurish, cherkov bo‘lgan yuqori qismni tiklash, tashqi ko‘rinishini saqlash belgilandi.
Eski ToshMIdagi sobiq kadetlar korpusi binosi profnastil panjara bilan o‘raldi, hududda demontaj ishlari boshlandi. Bino Rossiya tibbiyot universiteti filiali uchun tayyorlanmoqda. Shahar madaniy meros boshqarmasi rekonstruksiya loyihasini hali tasdiqlagani yo‘q, ammo “ishni nazorat qilmoqda”.
Tarmoqlarda eski ToshMI hududidagi Toshkent kadetlar korpusining sobiq bosmaxonasi binosi buzilishi mumkinligi haqida xabarlar tarqaldi. Madaniy meros agentligi buni rad etib, bino madaniy meros obyekti ekani va davlat tomonidan muhofaza qilinishini bildirdi. Foto.
Toshkentdagi “Chilonzor Oqtepa”, Surxondaryo viloyatidagi “Dalverzintepa”, Andijon viloyatidagi “Mingtepa”, Samarqand viloyatidagi “Sheroz qal’a” va Qoraqalpog‘istondagi “Qo‘yqirilgan qal’a” arxeologik yodgorliklarida ochiq osmon ostidagi muzeylarni yaratish ustida ish olib borilmoqda.
Madaniy meros agentligi yagona mulkiy majmua sifatida savdoga chiqarilishi aytilgan “Sharq” va O‘zA binolari madaniy meros obyekti ekanini va xususiylashtirish mumkin emasligini ma’lum qildi. Ularni auksiondan olib tashlash bo‘yicha Davaktiv agentligiga ogohlantirish berildi.
Madaniy meros agentligi Turizm va madaniy meros vazirligidan ajratilgandan keyin Bahodir Abdikarimov unga qayta rahbar bo‘ldi.
Kasbi tumanidagi XIV asrga tegishli “Namozgoh” masjidi nurab borayotgani, ammo hech qanday chora ko‘rilmayotgani tanqid qilingandi. Madaniy meros agentligi o‘rganishlardan so‘ng yodgorlik 2023-yilgi restavratsiya rejasiga kiritilganini bildirdi.
Yakkabog‘da ikki kishi Kunjutlitepa arxeologiya yodgorligida tepalik tuprog‘ini surib tashlashi oqibatida obyekt qayta tiklanmaydigan darajaga kelib qolgan. Bu harakatlari uchun fuqarolar 47,5 mlrd so‘m jarimaga tortildi, shuningdek, ulardan birining 3,5 yilga ozodligi cheklandi.
Samarqand shahridagi xususiy mulkda bo‘lgan moddiy madaniy meros obyektiga zarar yetkazilgani haqida xabar tarqaldi. Madaniy meros agentligi aybdor tadbirkor ozodlikdan mahrum etilganini ma’lum qildi.
Bo‘ka tumanidan yunon ma’budasi tasviri tushirilgan ko‘za topildi. Uning miloddan avvalgi III asrga tegishli ekani aytilmoqda.
Samarqandda ilk bor restavratorlar uchun seminar o‘tkazilmoqda.Tadbirda bosh vazir o‘rinbosari Aziz Abduhakimov O‘rta Osiyo restavratorlari qurultoyini tashkil etishni taklif qildi. Shuningdek, «Madaniy meros obyektlari direksiyasi»ning mintaqaviy restavratsiya markazlari tashkil etilayotgani qayd etildi.
Parkent tumanidagi xonadonlarning birida XVI-XVII asrlarga oid mis tangalar topildi. Ularning soni 939 ta ekanligi aniqlanib, o‘rganish va davlatga topshirish uchun uy egalaridan olindi.
Termiz davlat muzey-qo‘riqxonasida olib borilgan o‘rganishlar davomida 58 nomdagi ashyolar muzey fondida yo‘qligi, 24 tasi o‘lchami, ishlanish uslubi va yaratilgan davri bo‘yicha mos kelmasligi aniqlandi. Keltirilgan zarar qiymati esa qariyb 3,5 mlrd so‘mga baholandi.
Madaniy meros agentligi Surxondaryo viloyatidagi «Xo‘jayikon» tuz g‘oridan Sherobod tuman tibbiyot birlashmasi hujjatlarsiz foydalanib kelayotganini ma’lum qildi. Tuz g‘ori 2019 yilda Moddiy madaniy merosning ko‘chmas mulk obyektlari milliy ro‘yxatiga kiritilgan.
Madaniy meros agentligi Bo‘stonliqdagi Xo‘jakenttepa arxeologik yodgorligi hududida dala hovli qurilayotgani yuzasidan izoh berdi. Avvalroq bu haqdagi video ijtimoiy tarmoqlarda tarqalgan edi.
Qo‘shimcha imkoniyatlarga ega bulish uchun saytda ro‘yxatdan o‘ting